السفر
ملوش نوع معين هو أنواع كتير جوا بعض ومواقفه كتير حلوه ووحشه وحكايته وناسه اكتر بكتير...
ولان السفريه مينفعش تكون عاقله ولا ينفع يكون ف مكان واحد بروتين واحد فاحنا دايما بنتنقل بنحب أماكن ونفارق أماكن ونستريح كاننا ف بيوتنا ف أماكن تانيه ...
بنسمع حكايات ونجمعها بنتعلق بناس ونكمل معاهم ونسيب ناس تانيه استلطفناهم وفي ناس بتعرفهم بس عشان عايز تستكشف العالم من خلالهم
ناس يعدوا ف صوره انت بتاخدها وهم ميعرفوش انهم ليهم ذكره عندك
ناس بتقصد تضحك ف الكاميرا وهم معديين وانت بتتصور عشان يسيبولك ضحكه وذكري
ناس تانيه بتوثق حكايتهم اللي سمعتها بصوره
وفي ناس تانيه بتحب تديك احساس العيله حتي ولو ليوم
في ناس بتبقي عارف ان وجودهم مهما طاله ايام السفريه ف هتخلص وهتتفارقووا فلازم توثق زكري معاهم
وفي ناس بتعرفهم بالصدفه ولكن بيسبولك مواقف مش هتنساها
ناس تانيه بتقابلهم عشان تتعلم وتعرف منهم
وناس بتعرفها بس عشان تعملوا صحبه لمجرد الوقت اللي انتوا فيه ف المكان وف الاخر مش بتعرفوا بعض تاني
في حاجات كتير اوي شيلاها الصور اللي بناخدها ف السفريه ملامح وعادات وثقافات وطموح
مواقف وحكايات واختلافات من كل البلاد
السفر مش لازم يكون برا بلدك ، بيعلمك ويعرفك ان العالم كبير اوي ومليان حاجات تعرفها ولكن هو صغير اوي في نفس الوقت ومهما اختلفت المعتقدات و طريقه الحياه والملامح ف بنجتمع كلنا ع اننا بنعافر ونحاول عشان نعيش مبسوطين بنتجمع ع صفه وحده وهي الفضول اللي بيخليني نقعد ندور ونلف عشان نشوف ونتعلم نكتشف
حب الناس واعرف ناس
العالم اكبر من اوضتك ويستاهل تكتشفه و في ناس تستاهل تسمع حكاويها
عيش واجمع حكايات 🧚‍�
سافر واكتشف الأماكن والناس ..........
عيش انت ، متمشيش علي خطط حد
Toka A. AbuMaged