رصيد الذهب
انا قعدت ٢٥ يوم في دهب ب ٦٠٠٠ جنيه..بما يساوي 383 دولار ..انا بعشق السفر واني اعمل حجات جديده قررت بمزانيه صغيره اعمل كل الانشطه الفي دهب و اعمل كامب في ال blue lagoon
*اول اسبوع ححزت شاليه من علي airbnb علي البحر ب ١٠ دولار وده حاجه كنت مبسوطه بيها وكنت عايزه ازود المده بس كان اتحجز
١-عملت دايڤنج ب ٣٠٠ جنيه طبعا بعد فصال لان كل الشركات قالتلي ٥٠٠
٢-طلعت جبل سانت كاترين لوحدي
.. حجزت مع شركه في الممشي كان جروب كله اجانب وكنت انا البنت المصريهالوحيده اليوم ابتدي ٩ بليل روحت بيتي في دهب ١ الضهر
٣ -بعد سانت كاترين نمت ٦ ساعات بس وروحت حضرت حفله ف every day cafe
لحد٢ الفجر
٤- بعد كده شوفت الشروق مع سفاري حجزتها برضو مع شركه سياحه في الممشي من ٤ الفجر ل ٩ صبح
٥-تفتكرو هنام .. لااا قررت هعمل كامب
لمده ٤ ايام من غير نت ولا شبكهEl omda camp
ده في بلو لاجون عشان تروحوه لازم ٣ وسائل مواصلات عربيه لحد بل هول بعدين مركب لابو جالوم وبعدين عربيه لحد الكامب
الليله مفروض ب ٣٠٠ انا خليتها ٢٠٠ جنيه فطار و عشا والخيمه بتاعتي علي بحر افتح شباكي الصبح اشوف البحر ازرق جدا و السحاب ظاهر كأنه حتت قطن
حقيقي اجمل حاجه هي الكامب الصبح تصحا علي البحر وبليل النجوم ظاهره جدا و بتلاقي صحاب من كل الجنسيات بيغنو و البدو بيولعو نار و بيعملولنا عيش بدوي
وطبعا احب اوضح كنت انا البنت المصريه الوحيده وكان البدو صحاب المكان بيعاملوني كأني بنتهم و علي طول مهتمين بيا
٦-بعد ما خلصت الكامب حجزت في اوتيل بنت اسبانيه قالتلي عليه رخيص جدا وهو اصلا معمول للناس البتسافر حول العالم واتعرفت علي اجمل صحاب من جنسيات مختلفه لدرجه اننا كل شويه نطول اجازتنا في دهب من كتر ما احنا اتبسطنا سوا
في الاخر احب اقول سافر و سافري دهب متستنوش شركه سياحه او صحاب معاكو صدقوني امان وهتتبسطو جدا
قابلت واحد من سويسرا قديلو شهرين بيلف في مصر قالي حقيقي مصر من اكتر بلاد بدون جريمه المحلات مفتوحه بالبضاعه من غير ما حد يسرقها وكان مستعجب
معلومه مهمه مفيش معاكسات ولاحد ضايقني طول. ٢٥ يوم