رصيد الذهب
الجزء الأول: أوروبا الوسطى (مع صديق)شملت الجولة زيارة براغ، وزيارة مدينتي برنو وكارلوفي فاري بجمهورية التشيك، براتسلافا، فيينا، وبودابست.
الجزء الثاني: شمال أوروبا (سفر منفرد)شملت الجولة زيارة غوتينبيرغ، كوبنهاجن، وهامبورغ.
في منهم مدن ودول زايرها من قبل واشي جديد استكشفتو
..بعض الملاحظات للتجوال بأوروبا
..
️الطقس كان مقبول بجميع حالاته (هوا وبرد وشتى وزخات ثلج واحيانا غيوم وشبه مشمس)، البس منيح ولا تقلق.
️غوغل مابس خرافية للتنقل ومعرفة الوجهات والاتجاهات، من دونها كان بدنا نحمل معنا عدة خرائط ونكتب ملاحظات. هالتطبيق غني جدا جدا وبتقدر تبحث عن اقتراحات لكل شي عليه.
️تطبيق Trip Advisor من خلاله بتقدر تستعرض أسئلة واقتراحات وتقييمات الناس اللي زارت أماكن معينة.
الأكل فيك اتجرب الأكل المحلي وأكيد طبعاً اللي ما بحب المغامرات فيه يعتمد على الأكل السريع. ولمحبين الاكل العربي موجود محلات ومطاعم كثير 
.
المواصلات بأوروبا كثير سهلة ومرتبة وبتغطي البلد بطريقة كثير مريحة، ترام وباص ومترو وقطار وقارب وحتى الطيران، التذاكر مش غالية وإذا بتشتريها قبل بوقت اونلاين بتوفر منيح والتذاكر للمواصلات المحلية مش غالية.
العملة منوعة بين دول أوروبا، في العملة المحلية وفي اليورو، كون حذر عند الصرف ودائما ابحث عن احسن سعر صرف وأقل نسبة بدل خدمة عند الصرف.
الإنترنت والتجوال الدولي فيك تشتري شريحة من البلد اللي انت رايح عليها أو ممكن تستفسر من شركتك ببلدك وتشترك بحزمة تجوال دولي، بحالتي كان اوفرلي واريحلي اني اشتري حزمة تجوال دولي من شركتي.