يمكن ايدين كتير عم تنمدلك!
وتلاقي ناس خايفه عليك
وبدها تطلعك من حفرة اليأس
الي حفرها القدر
بقلبك قبل حياتك....
انت الي انكسرت لحد مابينجبر
انت الي قررت تحجر الي عم ينبض بين ضلوعك...
ايدين كتير بدها تطلعك من حالك...
وانت الي عم تستنا ايد مارح تنمدلك
رح تلاقي بين هالزحمة
ايد تانية
بتنمد وهي عم ترجف
وبترجع بتنسحب عالهدا
وصاحب هالايد بتلاقيه واقف مو قادر يتركك ولا قادر يقلدهم
وفجأه مابتلاقيه الا بحياتك
بحفرة الحزن الي عاملها
مابيسألك ان كنت منيح
لانو حاسس فيك...
مابقلك اطلع من هالقبر
الي انت فيه
بعيش معك فيه ...
بيتحمل عصبيتك
مزاجيتك...
سكوتك...
بخوفك وبيقتلك بصبرو....
بحاول يرجع ضحكتك الغافيه
بحببك بحالك غصب عنك
بقلك من دون ولا كلمة
رح ضل حدك لتطلع لحالك من هالحالة
بعودك عوجودو
عضحكتو...
عجنانو ..
بخليك تحس
انو لسى قادر تعيش
مو ضروري تحب
ضروري تعيش
ضروري تضحك
لانوبتكتشف انو ضحكتك رح تخلي هالقلب يطير فرح
وانت الي صارت سعادتو بتهمك متل سعادتك.