معشوقتي جرح المواجع شكى الليل
والصبر مـــل وغربتي عذبتني
لاجيت ابنسى ذكرتني المراسيل
وحلفت من كتب الخواطر وجتني
طفيت بغيابك جميع القناديل
واشعلت بي شمعة وفا واحرقتني
حبيبتي في ذمتي ما بقى حيل
هذي همومي ياهواي اذبحتني
مليت من دنيا العنا والغرابيل
ما أذكر ان دنياي مره عطتني
دايم على رجوى الليال المقابيل
أصــدق احلامي ولا قدرتتني
العشق اعرفه ذل بعض الرجاجيل
لا شك اموت وعزتي ما جفتني