بسم الله الرحمن الرحيم
شرح الحجز في ريان اير والحصول على اقل الاسعار لوجهات اوروبا
خلال 3 دقائق
خطوة بخطوة
[ندعوك للتسجيل في المنتدى أو التعريف بنفسك لمعاينة هذا الرابط]
بعد ما نفوت على الموقع
1-في البداية نحدد الوجهه و تاريخ السفر سواء ذهاب واياب او ذهاب فقط انا حطيتلكم بالشرح ذهاب واياب و انتوا بتقدروا تغيروه لذهاب فقط لو حابين
وبعد ما نحدد التواريخ بنضغط lets go
2- بعدها بيوصل النا تفاصيل السعر وبنضغط على
from (price)
وهذا السعر الاقل للرحلة وبتقدر تاخذ هالسعر وفي اسعار اغلى بمميزات اكثر وهي واضحه بالصور
انا اخترت اقل سعر standerd fare
بتقدر تختار سعر اعلى بمميزات بدك اياها مثل شناتي زياده و وتختار مقعد مع القدرة على تغيير التاريخ و بيانات المسافر
طبعا واضحه بالصور
3-بعدها بنضغط على
continue
4-بعدها بيطلعلي اني اشتري مقاعد لاني اصلا ماخذ اقل سعر بس لاني ما بدي اشتري مقعد محدد وبدي مقعدي يكون عشوائي بالطيارة رح اختار
i choose random allocation
5-بعدها رح تظهر تفاصيل الشناتي و اذا بدي اضيف شنتة او لا بختار الخيار اللي بناسبني من الخيارات الموجودة وبختار
continue
6-بعدها بتطلعي صورة فيها عروض للشراء شناتي او مقاعد او اي شي ثاني زي ما انتوا شايفين طبعا انا رح اطنشها واختار
check out
7-بالاخير بعبي بيانات المسافر و بيانات الفيزا كارد و بضغط على
pay now
وبتوصل التذكرة خلال دقيقتين على الايميل وهيك بنكون انتهينا ,,,
وقبل الرحلة ب48 ساعة بنفوت على الموقع بالايميل اللي احنا مسجلينه و بنعمل
check in
للرحلة
معلومة اساسية لازم تكون عامل مسجل وعامل حساب في موقع ريان اير حتى توصلك عليه التذكرة
اي سؤال بتحبوه بخصوص هالموضوع حطوه بالكومنتات ورح اجاوبكم عليه