نُشر في الأحد 9 مايو 2010 - 5:17
جريح الوقت من خبرك/ جريح ولا لقا احبابه
***
حبيبي و الفراق اللي ذبح (هالقلب) ما ينطاق
فقدتك والفرح بعدك همومي سكروا بابه
***
تركتك و الدموع اللي تغشت خدك البراق
قصيدة طرفك الناعس لضحكة فم كذابه
***
لك الله ما على منظر دموعك لوعة تنذاق
حسافة يا دموعك و الوداع المر وش جابه؟
***
تخيل لوحة الدنيا /غرابيل / وحزن / وافراق
رسمها طير خفاقي على اضلاعي بمخلابه
***
اشوفك كل مايبدي غروب الشمس والمشراق
اشوفك كل ما يقبل ظلام الليل واشقابه
***
اشوفك في تعابير الحنين وزحمة الأشواق
اشوفك في زوايا الذاكرة عمري تسلابه
***
اشوفك في تعب جسمي وانادي و انتظر و اشتاق
يرد بصوتي الجرح القديم و ينكشف مابه
***
انا ويالمشاعر يا حبيبي و القلم بسباق
من اللي يسبق الثاني على حزنه ويغتابه
***
انا ويا القلم ننزف ومنا ملت الأوراق
ثقل حمل الدفاتر و الحبر و الدمع متشابه
***
حبيبي تذكر العشرة وذاك العهد والميثاق؟
انا باقي على عهدك واموت الحب واحيابه
***
حبيبي لاتناساني زماني فرق العشاق
جريح الوقت من خبرك حزين وفاقد احبابه 
الفراق اللي ذبح (هالقلب)
رصيد الذهب : 
